Ewebeeld van Kruger: 2025\08\08

Dit is vir ons ’n groot voorreg om aan te kondig dat president Paul Kruger – die onwrikbare Bittereinder en simbool van Afrikanervryheid – binnekort ’n ereplek op Orania gaan kry. Sy beeld, ’n ewebeeld van die Krugerstandbeeld op Kerkplein, gaan nie net ’n pragtige monument wees nie – dit gaan ’n wekroep wees om nie ons geskiedenis te vergeet nie, en om vasbeslote voort te bou op die grondslag wat ons voorgeslagte gelê het. Hierdie stukkie van ons volksiel in die hart van Orania is ’n stille, maar kragtige herinnering dat die pad na vryheid moed, geloof en vasbyt vra. Kom ons pak hierdie geskiedkundige oomblik saam aan - ons bou nie net vir vandag nie, maar vir die geslagte wat nog kom.

ARTIKELS

Motivering vir die oprigting van ‘n ewebeeld van die monument in Pretoria ter ere van president Paul Kruger in Orania

Deur: Frans de Klerk
Orania het tot stand gekom met die uitgesproke visie om vir die Afrikaner ‘n toekoms van vryheid in die Noord-Kaap te skep. Met die ontstaan van ‘n nuwe politieke bedeling in Suid-Afrika in die negentigerjare van die vorige eeu, het Afrikaners hul vryheid en gepaardgaande selfbeskikking verloor. Op Orania word gepoog om deur ‘n strategie van selfstandige opbou ‘n plek en ruimte te skep waar Afrikaners hul vryheid kan herwin.

'n Voëlvlug oor die geskiedenis van die Afrikaanse taal

Deur: Carel Boshoff
Om as deel van 'n voëlvlug oor die geskiedenis van die Afrikaanse taal na haar rol as kultuurtaal te verwys, roep uit die staanspoor twee kwessies op. Die een, waarop dieper ingegaan sal word, is wát mens met "kultuurtaal" bedoel, in besonder met die "kultuur" in kultuurtaal. Die ander, wat vir die argument vandag net gestel en daar gelaat kan word, is dat die geskiedenis in hierdie opsig nog nie verby is nie, dat dié geskiedenis in werklikheid nog besig is om gemaak te word, en dat dit onder meer ons is wat dit maak.

Die FAK, 8 Mei 1925, die GRA en ons toekoms

Deur: Carel Boshoff
'n Ronde honderd jaar gelede word Afrikaans as amptelike taal van die Unie van Suid-Afrika erken en sedert betreklik onlangs word 8 Mei as "Afrikaans se verjaarsdag" gevier. Vanjaar kon mens byvoorbeeld omroepers van die openbare uitsaaier sulke verrassende stellings hoor maak soos: "Kan jy glo, dat Afrikaans vanjaar 'n honderd jaar oud is!" Dit is natuulik geen bloot toevallige misverstand nie, hoewel sulke uitsprake op diep gesetelde onkunde berus. Die beklemtoning van hoe belangrik dit is dat Afrikaans op 8 Mei 1925 by wyse van 'n Parlementswet tot amptelike taal van die Unie verklaar is, vind plaas teen die agtergrond van wat as 'n "verdeelde taalgemeenskap" beskou word en as 'n poging om dié verdeling te probeer heel.

KUNSWERK

Krugerstandbeeld op Kerkplein Pretoria

Publieke domein

KOPPEL

KONTAK

  • Die Duiker 3, Orania, 8752
  • 082 958 3571
  • admin@vryheidstigting.org

SKAKEL