“Die afwenteling van mag op vertikale vlak word gedurig in ons Suid-Afrikaanse, en breër, konteks gesien as ʼn ideale antwoord op die toenemende staatsverval, magsvergryping, en korrupsie. Die argument lui gewoonlik, en met reg, dat kleiner gedesentraliseerde sentra van mag en gesag meer effektief kan reageer op die spesifieke behoeftes van hul plaaslike omgewings. So ook is regeerders wat nader is aan dié wat regeer word ook immers meer aanspreeklik en daar is minder ruimte vir swak of korrupte besluite om sonder direkte terugslag te geskied.”
