In die Geskiedenis

Vrede: ’n Volk se verwoesting

’n Groep wat bekend staan as die Moriori, wat oorspronklik van die Māori-volk afgestam het, het onder leiding van hulle stamhoof Nununku ’n eed teen oorlogvoering gesweer. In 1835, 24 generasies nadat die eed gesweer is, het hulle 900 besoekers van twee Māori-stamme af verwelkom. Dit het egter gou geblyk dat dié besoekers nie vriendelike bedoelings gehad het nie.

Geskok het die Moriori 1000 mans by Te Awapātiki saamgeroep om te besluit oor wat hulle te doen staan. Die jonger mans was gretig om hulle teëstanders die hoof te bied en het aangevoer dat, hoewel hulle eeue laas geveg het, getalle in hulle guns sou tel. Hulle was dubbeld soveel as die Māoris. Maar die ouer garde het gesê dat Nunuku se Wet ’n heilige verbond met die gode was wat nie gebreek kon word nie. Die gevolge was verwoestend.

Driehonderd Moriori is aanvanklik doodgemaak en honderde ander is as slawe weggevoer en het later gesterf. Ander, verskrik deur die verontheiliging van hulle oortuigings, het van ‘kongenge’ (wanhoop) gesterf. Nog ander het gesterf van siektes wat deur Europeërs saamgebring is. In 1862 het net 101 Moriori nog geleef en toe Tommy Solomon in 1933 gesterf het, was dit die einde van die volk se bestaan.

Annemarie Hoogenboezem

Maak 'n opvolg-bydrae

Jou e-posadres sal nie gepubliseer word nie. Verpligte velde word met * aangedui